Nuk është e rëndësishme vetëm gjendja e nënës, por edhe e babait!
Coronavirusi gjithsesi ndikon në shëndetin e pacientëve, gjë që është veçanërisht shqetësuese për gratë që planifikojnë të mbeten shtatzënë, transmeton Telegrafi.
Për faktin se virusi ndikon negativisht në organet e brendshme, nuk është e dëshirueshme që të planifikohet menjëherë shtatzënia, sepse “dëmtimi” i shkaktuar në organizëm është shumë i rëndë, ndërsa rikuperimi është i domosdoshëm.
Një burrë që ka kaluar coronavirusin mund të përballet me ulje të fertilitetit, gjë që përbën problem për planifikimin familjar, mirëpo nëse është gruaja ajo që është infektuar, një faktor i rëndësishëm është ashpërsia e infeksionit.
Me transmetimin asimptomatik të coronavirusit ose të një rrjedhe të lehtë të sëmundjes, shtatzënia mund të planifikohet menjëherë pasi gruaja të shërohet dhe të ndihet mirë. Praktikisht, nga cikli i ardhshëm menstrual, thonë gjinekologët.
Pas një faze të moderuar ose të rëndë të Covid-it, nëna e ardhshme duhet të shërohet plotësisht dhe të ekzaminohet për të përjashtuar komplikimet dhe sëmundjet e rënda. Në vetvete, kurora nuk çon në infertilitet dhe nuk shkakton probleme shëndetësore tek fëmija i palindur.
Gjinekologu thekson se është padyshim më mirë që çifti të konsultohet me gjinekologun e zgjedhur i cili do të japë vlerësimin më të mirë. /Telegrafi/
The post Kur një grua mund të mbetet shtatzënë pas shërimit nga coronavirusi? appeared first on Telegrafi.
